БелАР
Беларускі аналітычны роспіс артыкулаў (БелАР) - карпаратыўны праект па абмену бібліяграфічнай інфармацыяй. Створаны па ініцыятыве бібліятэкі Беларускага дзяржаўнага эканамічнага універсітэта сумесна з шэрагам універсітэцкіх бібліятэк Беларусі у 2002 г.
На сённяшні дзень у праекце па стварэнні зводнай базы дадзеных аналітычных апісанняў артыкулаў з беларускіх навуковых часопісаў ўдзельнічаюць трынаццаць бібліятэк: БДЭУ (Мінск), ФБ БДУ (Мінск), ПДУ (Полацк), МДЛУ (Мінск), ВДУ (Віцебск), ВДТУ (Віцебск ), БРУ (Магілёў), БрДУ (Брэст), БДАТУ (Мінск), ВДМУ (Віцебск), БДУКМ (Мінск), БДТУ (Мінск) і БДПУ (Мінск).
У снежні 2006 г. на базе бібліятэкі БДЭУ адбыўся рэспубліканскі навукова-практычны семінар па праблемах карпаратыўнага ўзаемадзеяння ў галіне абмену аналітычнымі бібліяграфічнымі апісаннямі - «Беларусь: рэалізацыя стратэгіі інфармацыйнага развіцця». У маі 2012 г. быў праведзены круглы стол «Бібліяграфія заўтрашняга дня: 10 гадоў у БелАР».
Каардынатар праекта - Палаўкова Вольга Канстанцінаўна, вядучы бібліятэкар інфармацыйна-бібліяграфічнага аддзела бібліятэкі БДЭУ, каб. № 10, тэл. 229-12-24, тэл. / Факс: 209-78-12, e-mail: sbo@bseu.by